Papirlaust rekneskapskontor med Vossaskyen

– Det er ingen som lagar faktura eller førar rekneskap med penn og papir. Alle brukar eit dataprogram. Kvifor skal me då skriva ut fakturaen, for at mottakaren skal føre fakturaen manuelt inn i eit rekneskapsprogram?

Det er Tore Nyborg, dagleg leiar av Voss Kommunikasjon som stiller det retoriske spørsmålet.

– Ein faktura kan sendast elektronisk rett inn i rekneskapsprogrammet. Det er effektivt, og det blir aldri ein punche-feil, forsett Nyborg.

‍

Bente Tveit Bakketun hadde jobba som revisor i 10 år hjå RSM etter å ha utdanna seg i Trondheim.

Korleis har det vore å starta for seg sjølv?

Bente humrar, hmm hmm.

-Travelt. Kjekt, utfordrande…

Ho blir ettertenksam.

– Det har vore ein bratt læringskurve. Eg kan faget, meg eg kunne ikkje systema. Det er spesielt å driva for seg sjølv, sjølvsagt. Det å sitta med ansvaret aleine. Ein må gjera ein del, ein kan ikkje gå heim kl 15.

Uni Micro

Systema Bente pratar om er rekneskapsprogrammet Uni Micro, årsoppgjersprogram og timeregistrering som ho saman med Office-programma har samla i Vossaskyen.

Kvifor valde du Uni Micro?

– Eg høyrde at mange framsnakka Uni Micro. Hadde så vidt brukt det sjølv, og såg at nokon av kundane eg reviderte før brukte det.

Var det et vanskelig val?

– Eg vurderte fleire alternativ. Arild hadde brukt eit anna system. Men leverandøren var litt vanskeleg i overgangen. Uni hadde vunne testane, og eg så at Uni kunne gje eit papirlaust rekneskap.

‍

Uni Micro er eit av Noregs største rekneskapssystem. Hovudkontoret ligg i Modalen. Selskapet har omlag 100 tilsette. Voss Kommunikasjon har samarbeida med Uni Micro sida slutten av 90 talet, og det var Voss Kommunikasjon som leverte systemet til A B Rekneskap.

– Uni er gode på å skapa flyt i systema. Dei er gode på logistikk og har veldig god integrasjon mot timeregistrering. Det gjer at systema er eigna for både handelsbedrifter og tenesteleverandørar, fortel Tore Nyborg, som har jobba med Uni Micro i mange år.

Føler du at du at du har rett system no?

– Ja, Bente nikker. Alt er elektronisk. Det skaper effektivitet og oversikt.